Diwata

Alex A. Perez II 

Nakakita ko ng diwata

Wala akong nabuong salita

Nagulat ako, nabighani

Kaya sinubukan kong lumapit

Pero nakita ko na siya dati

Siguro sa panaginip…

Inaya ko siyang kumain ng mga bulaklak

Sabi niya ayaw niya at wala siyang dahilan

Natawa ko kasi wala din akong maisip na dahilan

Nahulog ang loob ko sa diwata ng ‘di ko namalayan

Lumipas ang oras na kami lang ang magkasama

At kahit yung ibang bagay hindi ko na napansin, hindi ko na nakita

At dahil na rin sa kapangyarihan ng diwata

Tuluyan na nga siguro kong nagayuma

Pero maya-maya sabi nya kailangan niyang magpaalam, lumisan

Ayoko siyang umalis, gusto ko siyang pigilan

Pero dahil alam ko na sadya kaming magkaiba

Mahirap nga siguro para sa ‘min ang maging isa

Dumating ang mga araw at mag-isa na lang ako

Pero yung alaala ng diwata hindi niya kasamang lumipad, hindi naglaho

Hindi ko gustong bumitaw, ayokong makalimot

Sa pangangarap ayokong mapagod

Sa paglalakad ko, kung saan-saan ako napadpad

Nakakita ko uli ng mga bulaklak

Bumalik lahat ng mga alaala

Masaya kong nilunod ng mga luha

At kahit walang kasiguraduduhan hindi ako natatakot

Maghintay, umasa, malipasan ng panahon

Hindi ko alam kung paano, saan, kelan

Minamahal ko ang diwata ng walang dahilan… 

…Para kay Shiella Marie Lipana